عن الوكالات ///

فرانسا تقدر توقف اليوم. النقابات العمالية فالقطاع العام دعات لاضراب عام. هاد الاضرابات غادية تشمل القطاعات الحيوية كالنقل والموظفين العموميين والمدارس والجامعات وقطاع الصحة. من مطالب هادو رفع الصالير بسباب التضخم اللي رتافع بالاضافة الى ايقاف مشروع حكومي حدد سن التقاعد ف65 عام

تزاد على هاد الشي عدد من شركات القطاع الخاص. هاد الاضراب تزامن مع اضراب اخر شل حركة سكان ثاني اكبر اقتصاد فمنطقة اليورو وهو اضراب عمال “طوطال” للمحروقات. عاشت الصطاصيونات ندرة من المحروقات اثرات على كلشي.

الحكومة الفرنسية كانت صادرات مستودعين للمحروقات مع تواصل الإضراب في مصاف تابعة لمجموعة “طوطال إينيرجي” واخا هاد الشي ما غير والو تقريبا فالوضعية