كود سبور//

تعرض النجم الفرنسي كيليان مبابي لاعب ريال مدريد الإسباني، لاصابة مازال ما معروفش مدى خطورتها، وهذا الشي فماتش المنتخب الفرنسي البارح الجمعة ضد تركيا ضمن منافسات بطولة دوري الأمم الأوروبية، ولكن المؤشرات كاتقول انها اصابة ما ساهلاش.

زين الدين زيدان مدرب المنتخب الفرنسي الجديد وبعد نهاية اول ماتش له مع منتخب الفرارج، اللي ربحوه بهدف ديال مبابي نيت قبل ما يتوعت، خرج (زيدا) من البعد الماتش وهضر على الحالة الصحية للنجم الفرنسي، وقال: “كاتبان القضية ما شي هي هاديك، وكانظن انه غادي يرجع بحالو (مدريد)، ما غاديش نغامرو بشي حاجة، عندو ضربة فالركبة، الوضع ما كايشجعش داكشي علاش ما غاديش نغامرو”.

اما الاتحاد الفرنسي لكرة القدم، علنو فبيان لهم ان مبابي عندو اصابة فوتر الركبة وانه غادي يرجع لمدريد.