كود سبور//

تعرض الدولي المغربي أمين عدلي لاصابة خطيرة فماتش باير ليفركوزن الالماني وبريست الفرنسي، اليوم الاربعاء ضمن منافسات دوري ابطال أوروبا.

ودخل أمين عدلي كبديل فالشوط الثاني مع باير ليفركوزن، وبالضبط فالدقيقة 62، ولكن من وراها بشويا تعرض لتدخل عنيف من احد لاعبي بريست اللي زلگ عليه من اللور، وما قدرش يكمل الماتش وخرج.

ومن المنتظر يدير أمين عدلي فحوصات طبية خلال الساعات المقبلة، باش يعرف الطاقم الطبي ديال ياير ليفركوزن شنو عندو، مع العلم أن الاصابة كاتبان خايبة من الطريقة باش كان كايتألم.