الرئيسية > تبركيك > اش وقع لفاتي جمالي مع زياش؟ الممثلة قدمات روايتها ل”كود”: مصدومة كيفاش عايرني واحد مفتاخرة بيه ولمغاربة زادو سبوني. فالمغرب باش تكون مرا يحگرو عليك
05/12/2023 12:27 تبركيك

اش وقع لفاتي جمالي مع زياش؟ الممثلة قدمات روايتها ل”كود”: مصدومة كيفاش عايرني واحد مفتاخرة بيه ولمغاربة زادو سبوني. فالمغرب باش تكون مرا يحگرو عليك

اش وقع لفاتي جمالي مع زياش؟ الممثلة قدمات روايتها ل”كود”: مصدومة كيفاش عايرني واحد مفتاخرة بيه ولمغاربة زادو سبوني. فالمغرب باش تكون مرا يحگرو عليك

اجرى الحوار ل”كود” هناء ابو علي ///

“كود”: كيفاش بدا الفيلم ديالك مع حكيم زياش وفين؟
كنت كنتمشى مع صحاباتي ف”دبي مول”. بان لي =حكيم زياش= حدايا وقريب بزاف. بهاديك الفرحة ديال تشوف نجم من نجوم مونديال قطر مشيت عندو. انا ماشي متبعاه ولا عارفة فين كيلعب واش كيلعب. شفت واحد صنع ملحمة المونديال٬ واخا كنحشم نمشي عند الناس٬ وكيف قلت ل”كود”٬ بديك الفرحة ومع فبلاد اخرى وباغية غير نقول ليه “براڤو” وشكرا على اللي قدمتو وكمغربية راني مفتاخرة بيك. قلت ليه: هاي. كان داير ليزيكوتور. دار كيخنرز ويحيدهم. قلت ليه انا مغربية =بالانجليزية=. رد علي: ما كناخدش تصاور =بالانجليزية= وطبعا بقى مخنزر.

“كود”: اش درتي معاه؟
فديك التخنزيرة ديالو والصدمة ديالي جا عندي مغربي كان فالمول وقال لي: وا ختي بلا ما تدوي معاه. راه قمعني غير هادي شوية. تصورت مع جوج كوايرية راهم غاديين معاه. من بعد ما مشى شفتو قمع دراري خراين.
واش وقع فاوطيل ادريس داون تاون؟باش رجعت لوطيل عاود تاني تلاقيت معاه. قلت ليه: حشومة عليك =تصرفك فالمول= وهو يزيد يصدمني ويرد علي: فاك يو. 

“كود”: كان ممكن تمشي للبوليس علي هاد الكلمة؟
هو زياش= ما عرفش باللي فهاد البلاد بللي ما يمكنش تقول لبنت بحال هاد الكلمة. هاد الشي كيعرضو للمساءلة فالقضاء. طبعا بداك العصب والصدمة جوج مرات والفقصة ديال وحدة كانت فرحانة فهاد اللعاب وغيرو واللي داروه فالمونديال٬ كلشي تجمع فراسي ديك اللحظة ورديت عليه: فاك يو تو.

“كود”: كيفاش جاتك ردود فعل لمغاربة اللي دعمو زياش كثر منك انتي الضحية؟فالمغرب باش تكون مرا خاص يحگرو عليك. 
علاش حطيتي داك الفيديو؟
حطيتو حيث تعصبت. بقى في الحال. بعدها ديشارجا لي التلفون وباش رجعت شفت كيفاش تعاملو مغاربة مع وحدة مظلومة وعايرها هاد اللعاب. كنشوف السبان والمعيور في انا. 

“كود”: واش غادية تدعي هاداك لفقيه اللي سميتو رضوان؟
اولا كيفاش فقيه كيبان من كلامو عندو مشاكل جنسية٬ مشى كيسب في وكيقول كيفاش مشات كتعنب على زياش. هدر بكلام سوقي. شوفو فين وصل المستوى من واحد يدعي العلم فالدين. ويمشي غير يطبق اش كاين فالدين. اش قال القرآن. ايلى جاكم شي نبأ “فتبينوا ان تصيبوا قوما بجهالة وتصبحوا على ما فعلتم نادمين”. هاد لفقيه مشى بعيد وسبني. انا هدرت ماشي على تصرف معايا. 
طبعا نقدر ندعيه ماشي غير انا بوحدي٬ حتى راجلي. راه وصفني باوصاف غير اخلاقية. هاد الشي غادي نبدا فيه باش نرجع للمغرب. غادي نخبركم ف”كود” باش نحط الشكاية. 

“كود”: اش باقي فيك من هاد الفيلم؟صدمتي لكبيرة هي كيفاش تسبيت. كيقولو اه ما بغاش يتصور معاك. انا ما عايرتوش. قلت ليه “حشومة عليك”. تصورو واحد =زياش= يسبك والناس يعايروك. ثم قلت ليك “حشومة عليك” علي قبال لمغاربة لخراين اللي دار فيهم وخنزر فيهم. 

 

موضوعات أخرى

21/02/2024 17:46

البرلماني السابق الفايق تبلغ فحبس “راس الما” بقرار تجريدو من عضويته فمجلس النواب

21/02/2024 17:26

ها شنو طرا بين اخنوش وسانشيز: كثر من ساعتين من المباحثات والتوجاد للمونديال ومارشيات كبار كيتسناو الشركات الاسبانية والتعاون الأمني والموقف من حرب غزة

21/02/2024 17:00

رحلة الوداد ونهضة بركان تأجلت وها علاش والواك كيطالبو الكاف يبدل يوم ماتش گلاگلسي

21/02/2024 16:30

زيارة مرتقبة لولد الغزواني للجزائر وغاد يدشن معبر حدودي والمنطقة الحرة فتندوف ويضع الحجر الأساس لتعبيد طريق تندوف الزويرات

21/02/2024 15:33

بدا تبليغ عقوبة الإنذار للأساتذة الموقوفين من الخدمة على قبل الإضراب.. والتنسيق الوطني للتعليم دار رد

21/02/2024 15:11

بعد ما تطوات صفحة الاحتجاجات فالتعليم…دابا كاينة تعبئة مستمرة للوقوف على سير التمدرس بشكل طبيعي