الرئيسية > آش واقع > اش واقع لسفيرة المغرب فمدريد. مازال ما رجعاتش للصبليون من راس العام. شي كيهدر على محاولات بوريطة يبدلها حقاش ما عندوش معاها وشي كيهدر على غضبة مغربية على جيراننا 
19/01/2021 14:00 آش واقع

اش واقع لسفيرة المغرب فمدريد. مازال ما رجعاتش للصبليون من راس العام. شي كيهدر على محاولات بوريطة يبدلها حقاش ما عندوش معاها وشي كيهدر على غضبة مغربية على جيراننا 

اش واقع لسفيرة المغرب فمدريد. مازال ما رجعاتش للصبليون من راس العام. شي كيهدر على محاولات بوريطة يبدلها حقاش ما عندوش معاها وشي كيهدر على غضبة مغربية على جيراننا 

كود كازا هناء ابو علي ///

مازالت سفيرة المغرب في مدريد كريمة بنيعيش فالرباط من راس العام. مصدر من مدريد اكد هاد الشي ل”كود”. غير هو ما عارفش علاش.

طبعا الثلج اللي عرفاتو مدريد ما عندو علاقة بهاد الشي. ابدا. عندو علاقة ببنادم ماشي بالطبيعة.

شي وحدين اتباع وزير الخارجية والتعاون ناصر بوريطة كيقولو باللي الوزير باغي يبدلها. طبعا بوريطة بالاضافة الى موقفو من لعيالات اللي عندو علاقة بتاريخو الشخصي٬ عندو مشكلة معاها حقاش ما يقدرش يتحكم فيها. من عائلة مخزنية خدمات فالقصر وباها كان طبيب للقصر وخوها قرا مع الملك محمد السادس بالاضافة الى انها مرا قادة كتخدم وما كتقدرش تحدر الراس٬ كلشي هاد الشي كيكون ضدو بوريطة. وزير تعلم باش كان كيهز الشكارة لوالد الفاسي الفهري وحتى لولدو باش كان فوزير٬ كيكره اي واحد عندو شخصية خصوصا من مرا.

طبعا بوريطة اللي كيعرفوه كيكره اي واحد تكون عندو علاقة مع القصر باسثتناؤو هو. مشاكلو مع بعض الاجهزة اللي كتخدم فالخارج فبعض الملفات جاية من هاد الشي.

طبعا بوريطة لقى هاد القضية ديال استدعاء سفيرتنا للاستفسار بخصوص تصريحات لقناة اجنبية كان قالها رئيس الحكومة وهدر على استرجاع سبتة ومليلية المحتلتين٬ قلنا هاد القضية لقاها سباب باش يتخلص من بعض السفراء اللي عندهم كاريزما. دارها مع كاع السفراء اللي عندهم شخصية اما بعدهم من العواصم لكبيرة او دخلهم. 

دابا باقي ليه غير عمر هلال مندوب المغرب لدى الامم المتحدة في نيويورك. بوريطة ما عندوش معاه. عارف ان هاد الديبلوماسي كيشكل عليه خطر. حقاش ديبلوماسي ماشي بحال شي تلميذ كيحفظ مزيان وكيكرر داك الشي٬ كيف كيدير بوريطة.

دابا وحدة بحال كريمة بنيعيش اللي عندها علاقة مزيانة فالصبليون وخدامة رغم الظروف السياسية ماخاصهاش تبقى فزمن بوريطة فالخارجية. زمن اما ديالي او عدوي.

موضوعات أخرى