الرئيسية > آش واقع > اش هاد الشوهة. كيفاش يتشد برلماني ويديو ليه طونوبيلتو ويقولو ما عندوش رخصة استثنائية؟
05/04/2020 20:44 آش واقع

اش هاد الشوهة. كيفاش يتشد برلماني ويديو ليه طونوبيلتو ويقولو ما عندوش رخصة استثنائية؟

اش هاد الشوهة. كيفاش يتشد برلماني ويديو ليه طونوبيلتو ويقولو ما عندوش رخصة استثنائية؟

هناء ابو علي ميدلت – كود//

غريب هاد الشي. كيفاش يتشد برلماني ممثل الشعب عندو شرعية شعبية بميدلت اليوم الاحد. هاد الشي وقع لبرلماني البي جي دي عن فگيگ ووقفوه بميدلت. كان جاي من بني تجيب ومعاه جوج اشخاص اخرين.

المبرر غبي قال ليك وفق مصدر “كود” هادوك ما عندهومش رخصة التنقل الاستثنائي المسلمة من طرف السلطات العمومية، خارقين بذلك اجراءات الحجر الصحي، إضافة الى ان وثيقة التأمين الخاصة بالسيارة المذكورة منتهية الصلاحية.

واش هاد الشي ماشي لعصير. دابا الجدارمية كيعطيو الدروس فهاد الوقت. دابا قال ليك النيابة العامة المختصة لدى المحكمة الابتدائية بميدلت أمرت بالاستماع إلى المعنيين في محاضر قانونية، فيما تم إيداع السيارة بالمحجز قبل تسليمها في وقت لاحق للسائق البرلماني بعد أداء واجب التامين والإدلاء بشهادة التامين.

وقال ليك حيح على الجدارمية وقال ليك قال ليهم نتصل برئيس الحكومة.

هادا برلماني. لبلاد غادية مزيان والدولة ما دارتش اخطاء فتدبيرها لهاد الجايحة. غير اعتقال برلماني ومتابعة مستشار جماعي من نفس الحزب فمنطقة اخري ماشي خايبة بزاف بحال شي تدوينات٬ ومتابعة هاد المستشار فحالة اعتقال امور ماشي هي هاديك.

الجدارمية عندهم لعقل اش وقع ليهم عاود ثاني.

موضوعات أخرى

03/06/2020 16:00

أقريو كتتاهم سيناريست “شهادة ميلاد” بسرقة قصة “ياقوت وعنبر”.. ومدير شركة “ديسكونيكتد” لـ”كود”: حطينا شكاية لبارح فالمركز السينمائي وفالغالب السيناريست دالمسلسل ماكاينش أصلا