كود طنجة ///

اش واقع فقناة “ميدي 1 تيفي” وعلاش وصلات لهاد المستوى باش يولي صحافي فيها كيكتب فوسائل التواصل الاجتماعي باش يدخل شخصيا وينصفو. هاد الشي دارو الصحافي نبيل دريوش اللي خدام فالقناة اللي كتب “نداء الي صاحب الجلالة” وفيه قال “شكرا جلالة الملك على التفاتتكم الانسانية تجاه الصحافيين”. قبل ما يزيد “بقناة ميدي 1 تي في” تعرضت للظلم والحكرة والتعسف بكل اشكاله منذ شهور طويلة. انتظر انصاف جلالتكم”.

اولا هادي قلة احترام كبيرة لرئيس الدولة. اهانة للصحافة قبل ما هي اهانة للقناة.

ممكن يكون كلامو صحيح وممكن يتعرض للي قال٬ لكن كيفاش توصل الدرجة بصحافي يخاطب رئيس الدولة علي امور داخلية. راه كاينة نقابة وكاين مساطير اخرى. هادا فات الخطأ لهيه.

ايلى كان شي تدخل من القصر فهاد الموضوع راه اهانة للقصر فاللول.

راه خاص احترام المقامات. باش تخدم فمؤسسة عارف ديال من خاصك تعرف هاد الشي.

الامور لخرى كتحل بعيد على “نداء لمحمد السادس” او وا سيدنا انصفني…..

التخربيق كيوصل للتخربيق. مدير هاد القناة كان خاصو يمشي هادي مدة حقاش فشل يقاد مشروع. لكن علاش كدخلو سيدنا.