كود كازا /////

البارح الاثنين 27 اكتوبر 2025 باش كانت الطراكس كتريب “لاڤيراندا” فعين الدياب فكازا، لاحظات “كود” صورة معلقاها فالبار اللي طاح ديال شعار الادارة العامة للامن الوطني. هاد اسماء “حاكمة عين الدياب” الرافضة لتطبيق القانون، كانت كتخلع الناس بهاد الشعار.

اش حطو تماك وشكون عطاه ليها واش من علاقة لهاد النفوذ لكبير ديالها مع داك السمسار الطاشرون اللي كيستغل الصحافة، هاد الاسئلة خاصها تسول ليها باش يبدا التحقيق معاها باشراف النيابة العامة.

القضية ماشي غير تحدي قرارات هدم لبناية ما عمرها كان عندها اصلا تصريح بالبناء، بل بالتصريحات المستفزة اللي قالتها بعد ما شافت نهايتها قريبة

هاد الشعار ديال الامن راه كيعني باللي كاين استغلال لجهاز ما فراسوش. ممكن حتى هو يحرك المتابعة ضدها.

المهم القضية غادية فالطريق لتطبيق القانون.