احمد الطيب كود الرباط//

البارح الثلاثاء 25 فبراير 2025 طلب والي جهة مراكش اسفي شوراق من اللجنة المختلطة تمشي لمحل مول الحوت اللي تشهر ببيع السردين ب5 دراهم٬ باش تشوف المحل وتسد ليه. اليوم استقبلو استقبال الابطال وكبر بيه ووعدو كاع باللي ما كاين حتى شي قرار إغلاق المحل ديالو وباللي ما غادي يتغدى عليه حد.

نفس الوالي وجوج قرارات متناقضة. اش وقع؟ كاينة شي حاجة ما مفهوماش لاعباها الداخلية اللي كاينة وكتشرف على مراقبة الاسعار من زمان.

البارج كيف نشرنا ف”كود”٬ كانت اللجنة المختلطة اللي فيها ممثل السلطات =قائد الملحقة الادارية فهاد المنطقة= ورئيس قسم الشؤون الاقتصادية بالعمالة ورئيس المصلحة الاقتصادية بالجماعة اللي فيها المحل بمراكش ومسؤولي المصالح المختصة بالمكتب الوطني للسلامة الصحية للمنتجات الغذائية٬ مشات وعندها رغبة تسد. طبعا تعطاتهم تعليمات باش يطبقو القانون. ما عندوش ترخيص ما منحقوش يحل. اللجنة تراجعات باش شافت تقريبا شي الف مواطن كان قريب من مول الحوت جاي باغي يشريه ب5 دراهم.

اللي وقع هو ان هاد الشي خلى شوراق يدور 360 درجة. راه تم استقبالو قبل وعرفو باللي هدفو يربح لفلوس من التيك توك وحتى لا عطى السردين فابور راه غادي يدخل فلوس كثيرة.

شفنا من البارح باللي كاينة صفحات كثيرة على وسائل التواصل الاجتماعي ضامنو مع هادا.

لحد الساعة الحكومة فشلات فالتواصل مع وزير فاشل بحال بايطاس. هادا ضرب الطم كيف عادتو. دابا خاص اللجنة بين الوزارية المكلفة بمتابعة الاسعار ومراقبتها تعطي اجوبة للمغاربة على المضاربات المنتشرة فالاسواق وتوجد ترسانة قانونية قوية لردع المتلاعبين فسوق حرة.

الحوات الجابوني رجع لمحلو وسط استقبال كبير من السكان والجمهور ديالو.

وفهاد السياق، كشفت مصادر “گود” بلي ملف سوق الجملة للأسماك بمراكش، كانت زاتو لجنة تحقيق مركزية من المفتشية العامة للإدارة الترابية ودارت عليه تقرير خطير.

التقرير يفضح بشكل واضح دور المكتب الوطني للصيد البحري في فضيحة إنشاء هذا السوق بدعم أمريكي من طرف حساب تحدي الألفية وسط مجمع سكني ويسيره مجموعة من الشناقة والسماسرة.

لكن هاد الشي ما كيمنعش السؤال المهم. علاش الداخلية بدلات موقفها؟ اش وقع بين البارح واليوم؟ واش كتوجد ام الوزارات لينا