كود -خنيفرة //
قضية “جاك ليموجل” خذات أبعاد خطيرة بزاف، بعدما كشفات وسائل إعلام فرنسية باللي واحد البيدوفيل ، عندو 79 عام مشتبه فيه انه ارتكب على الأقل 89 حالة اغتصاب واعتداء جنسي على قاصرين ما بين 1967 و2022، فعد من الدول من بينها المغرب كيف ما شارت كود فمقال سابق نقلا عن الاعلام الفرنسي .

حسب مكتب المدعي العام بال فرنسا، الأفعال المنسوبة ليه كتهم اعتداءات جنسية خطيرة من بينها أفعال لا أخلاقية واستغلال جنسي ديال قاصرين ، المعني بالأمر كان سافر فحياتو لتسعات الدول من بينهم المغرب ، لي كان فيهم كينشط فمجال التربية والتدريس الخصوصي وكيأطر مخيمات ديال الشباب، الشي اللي كان كيسهّل ليه الاحتكاك المباشر والمتواصل مع الدراري كمدرّب ولا أستاذ فالرياضة وكان حتى كيعطي دعم فالقراية ولا كيواكب ويرشد الدراري الجانحين او يخدم فديكور الأيتام،وخا أنه ما كانش واخد شهادة رسمية فالتدريس.
المعطيات كتقول باللي أول ارتباط ليه بالمغرب كان فستينيات من القرن لي فات ، ملي كان كيقري فـ”ليسي غورو” فالرباط، اللي تسمات من بعد “ليسي الحسن الثاني”. كاينين حتى صور قديمة ديالو رايجة فمدونات ديال ذكريات العاصمة كتبين صورتو فديك الوقت ،فالايام الأخيرة خرجات تقارير إعلامية قالت باللي كان ساكن فخنيفرة، وذكر فواحد المنشور ف 2012 باللي كان كيدببلاصا ما بين المغرب وفرنسا، وكيقدم راسو على أنه خدام فالعمل الإنساني “
حسب التحريات ديال ݣود لقات انه كان ساكن بالضبط فخنيفرة تحديدا فحي لاسيري الشعبي فين كان كيزيد سوايع لدراري واللغات فابور ، وكيشطب الحي ويعاون الناس، وكبير يديه فين كانت شي مناسبة عامة , هاد الاساليب التمويهية خلات الأنضار تبعد عليه طول المدة لي كان ساكن فيها تما من الألفينات ،
،واحد من السكان تيقول ” كان ف لاسيري كيسكن وسط بلاصة ديال الدراوش ..وسبق تواصل معنا باش يخدم معنا فعمل تطوعي بالودادية ولكن جرينا عليه.
المدعي العام إتيان مانتو صرّح باللي تفتح تحقيق فالمغرب بخصوص وقائع مشبوهة وقعات ما بين 2010 و2022، ومن المنتظر باش ينتاقلو محققين فرنسيين للمغرب فالربيع باش يحضرو لإجراءات التحقيق.
