كود الرباط ///
اشاعة قتلات الجينرال حسني بنسليمان فالساعات الاولى من هاد النهار 15 فبراير 2023. هاد الاشاعة تروجات بشكل كبير فاوساط كبار لگرايدية ديال الجدرامية. احدهم قال ل”كود” باللي توصل البارح بلخبار وفالصباح تبين ليه باللي “فايك” وبللي الجينرال دو كور دارمي اللي كان الشاف ديال الجدارمية بالمغرب ل43 سنة بصحتو فالرباط.
بنسليمان من مواليد 1935 بالجديدة. مخرج من مدرسة سانت سير العسكرية بفرانسا ف1957 وكان مولوع بالكرة والجيش. كان حارس للجيش الملكي وربح الكاس ف1959. درج فالرتب العسكرية حتى وصل لجينرال دو كور دارمي
دوز فقيادة الدرك الملكي 43 عام وتقاعد وعمرو 82 عام. شاهد على اهم التحولات السياسية فالمغرب الحديث. ارتبط اسمو بقضايا كثيرة عندها بحقوق الانسان والحريات فالبلاد.
بنسليمان كيمثل جزء من دائرة القرار السياسي فالمغرب. خالو هو الدكتور عبد الكريم الخطيب ومن عائلتو مولاي اسماعيل العلوي اللي كان فالتقدم والاشتراكية. عندو كذلك مصاهرة مع عائلة حصار.
السيد دابا كيف نقلات مصادر ل”كود”٬ كيمارس طقوسو اليومية فدارو وصحتو مزيانة.
“كود” كتعتاذر على نشر خبر الوفاة لقراءها ولعائلتو.
