كود كازا ///

علمت “كود” من مصادر من “دوزيم” ان قناة عين السبع كتوجد برنامج غادي يكون حدث فاكتشاف المواهب المغربية فالغنا. غادي يكون غير فالغنا.

حسب المعطيات اللولى اللي عند “كود” كاين لجنة تحكيم واعرة فيها اسماء كبيرة فعالم الموسيقى بالمغرب. دابا تأكدنا باللي فيها اسما لمنور ونعمان لحلو. باقي الاسماء 3 غادية تكشف عليهم القناة الثانية وغاديين يمثلو كاع الاشكال الموسيقية بالمغرب وفق ما علمته “كود”.

هاد البرنامج يتوقع يبدا فاخر اكتوبر. طبعا بحال كاع البرامج المماثلة فالعالم اكيد غادي يكون فالسبت.

لمغاربة ديما محيحين فالمسابقات الغنائية العربية مزيان يكون عندنا برنامج ديالنا ماشي هو “15 سنة 15 موهبة” اللي كان دارتو القناة قبل سنوات ولا هو “ذو ڤويس” ولا هو “اراب گود تالنت”. انتاج مغربي بطابع مغربي وروح مغربية.