كود هناء ابو علي ///

يونس المشرفي الاستقلالي نسيب عباس الفاسي ونزار البركة طغى واستجبر. هاد السيد من منصف بلخياط وهو مدير عام للمغربية للالعاب والرياضة. ولى همو مؤخرا هو يجمع عليه كل حد مضارب مع التجمع الوطني للاحرار ورئيسو عزيز اخنوش.

السيد اللي خاص المجلس الاعلى للحسابات يجي يدقق فمصاريفو الشخصية من المؤسسة٬ همو اليوم يكذب على لمغاربة باخبار تافهة بحال انتخابو رئيس للجمعية العالمية لليناصيب.

فرض على الصحف اللي عندو معاها عقود اشهار فقط٬ انها تتحول لبوق يضرب الاحرار ويضرب خصومو.

جمع عليه شبكة مصالح وجرا على كل واحد ما كيحنيش الراس لهاد الاستقلالي الحامل يكون شي نهار سفير.

تسنى بزاف فالتعديل الحكومي الاخير يكون عندو شي منصب وزير ووالو٬ لان كفاءتو ضعيفة باش ياخد منصب وزاري باسم الاستقلال ولان تعاملو مع الحزب كيكون غير مناسباتي. دابا قربات الانتخابات التشريعية بدا يعبأ لصالح نسيبو نزار =مجوجين بجوج من بنات عباس الفاسي=. كيحتاقر فاجتماعاتو اليومية فكازا الوزير ديال التربية والتعليم والرياضة برادة. هو اللي جاب استاذ للعربية من فلوس المؤسسة الوطنية باكثر من 700 الف درهم. اييه. هادا كيضحك اليوم على الوزير برادة وطريقة كلامو فالبرلمان

استراتيجية هاد الديكتاتور الصغير لشركة لقمر للي كان خدمو شاوش الوزير عبيابة٬ غادي نشرحوها بالتفصيل لاحقا.