الرئيسية > آش واقع > استقالة اليوبي.. وزير الصحة كان باغي يجري عليه من شحال هادي وجات كورونا
29/05/2020 16:30 آش واقع

استقالة اليوبي.. وزير الصحة كان باغي يجري عليه من شحال هادي وجات كورونا

استقالة اليوبي.. وزير الصحة كان باغي يجري عليه من شحال هادي وجات كورونا

غيثة علام – كود//

فمقال دارتو “Jeune Afrique” على محمد اليوبي، سميتو “Dix choses à savoir sur Mohamed El Youbi, le Monsieur coronavirus du royaume – عشرة حاجات خاص تعرفوهم على محمد اليوبي، السيد كورونافيروس ديال المملكة”، نشراتو في 2 ابريل، كانت الصحيفة تطرقات للمشاكل اللي كاينة بين مدير مديرية الاوبئة ووزير الصحة الحالي خالد ايت الطالب.

المجلة، هدرات على قرايتو ومسارو، وعلاقتو اللي وصفاتها ب”القريبة” مع منظمة الصحة العالمية، وفاخر المقال، وبالضبط ففقرة عنوناتها: Le rescapé، اي “الناجي”، قالت ان علاقتو بآيت الطالب متوترة، وانه فكواليس الوزارة كيقولو ان اليوبي كان فاللائحة ديال المسؤولين اللي الوزير كان باغي يجري عليهم ويعوضهم.

واضافت “جون افريك”، ان هادشي كان قبل ما توصل جايحة كورونا للمغرب، ويولي هو الوجه اللي كيتواصل مع المغاربة.

واليوم، مصادر اكدات لـ”كود” ان اليوبي استاقل من منصيبو بسبب خلافات مع وزير الصحة على بزاف دالحاجات المتعلقة بتدبير الحجر الصحي والحالة الوبائية فالمغرب.

المقال الاصلي :

https://www.jeuneafrique.com/919603/societe/maroc-dix-choses-a-savoir-sur-mohamed-el-youbi-le-monsieur-coronavirus-du-royaume/

موضوعات أخرى