كود الرباط//

دعا فوزي لقجع، الوزير المكلف بالميزانية، أعضاء البرلمان باش يعطيوه اي تشريع فمشروع قانون المالية 2026 فيه تشريع على المقاس لصالح معين أو مختبر معين.

وقال لقجع، اليوم ف لجنة المالية، فالمناقشة العامة لمشروع قانون المالية 2026 :”كنوجه دعوة صريحة للنواب والنائبات الحاضرين والغائبين، يلا ثبت شي تشريع على المقاس او رقم كذبنا فيه يجيبهم وغادي نسحبهم بكل شجاعة معتذرين له ولكل المواطنين”.

وأضاف :”وهاد العملية درناها ولا داعي لذكر العسل ومشتقاته. بكل موضوعية، الانسان ملي كيدير تمرين من شهر ماي الى اكتوبر قد يخطئ لكن العبث هو الاستمرار في الخطأ وعندنا الشجاعة نصححو هادشي. لكن ان نتهم ممن نصب نفسه خبيرا في كل شيء, ميمكنش نتهمو الناس ونضربو الاعراض ونقولو التشريع كيدار على المقاس”.

وشدد لقجع بالقول :”اي تشريع لا يخدم المصلحة العامة غادي نسحبوه ونعتذرو. لا داعي لذكر العسل ومشتقاتها”.

وجاء في كلام لقجع :” تكلمتو على الدواء، انا اقولك بكل الوضوح بلي الهدف ديالنا الصناعة الدوائية المحلية هي نحميوها باش تنتج دوا للمغاربة، وللي معندناش خصنها نهبطو عليه لا رسوم الاستيراد ولا القيمة المضافة باش يدخل ثمن معقول . وقلتها مع المستوردين واتحمل المسؤولية”.

وأوضح لقجع موجها خطاب لبرلماني من المعارضة:”اذا بان ليك ف المادة 30 يلا فيه شي تشريع على المقاس حنا ف الوضوح حطو نجلسو اكثر من ساعتين قبل ما ندوزو التعديلات وفيما ثبت بلي غانخدم شي لوزين ولا مختبرات ولا ردنا تشريع مكيخدمش الهدف ديال نقصو ثمن الدواء. نحيدوه ونعتذرو للمغاربة.

وذكر لقجع بأن فريق العمل على قانون المالية، الذي اشتغل لساعات وايام، باش الثمن ديال الدواء يهبط.