سعيد بوناصر – كود //

بطريقة كتطرح بزاف ديال علامات الاستفهام، تحصل الإخوة “زعيتر” على رخصة ديال استغلال الملك البحري ف”مارينا سمير” ديال تطوان، فلوقت لي بزاف ديال المهنيين دقطاع السياحة كيتسناو لمدة طويلة باش يستافدو ويتم التفاعل مع الطلبات ديالهم بطريقة إيجابية.

الحصول على هاد الرخصة من طرف الإخوة “زعيتر” حسب ما تداولاتو “كاب 24″، ما خداش منهم وقت كبير وبسرعة عطاتهم عمالة إقليم المضيق-الفنيدق” الرخصة

وحسب المصدر نفسو، أكد بللي “زعيتر” خداو رخصة باش يستغلو مساحة بحرية قريبة من القصر ديال شي أمير سعودي، ف”مارينا سمير” ديال تطوان.

الحصول ديال “زعيتر” على هاد الرخصة، خلق أزمة كبيرة فوسط المهنيين ديال قطاع السياحة فلمنطقة، خصوصا أنهم جابو لخبار بللي مزال كيتسناو ياخدو رخصة ثانية، بحجة أن البلاصة اللولة ماعجباتش شي مستثمر داخل معاهم شريك، الشي اللي استنكروه المهنيين اللي دافعين الطلبات باش يستافدو حتى هوما هادي مدة ومزال كيتسناو.