كود سبور//

قدر المنتخب الوطني المغربي لكرة القدم داخل القاعة، ينتقم من الخسارة اللي تعرض لها قبل يومين أمام منتخب إسبانيا فماتش ودي، وربحو اليوم الاربعاء فماتش ودي جديد فمركز محمد السادس لكرة القدم.

وسالا الماتش أميكال بين المنتخب المغربي للفوتسال ومنتخب إسبانيا بنتيجة 4 لواحد لمصلحة هشام الدكيك والأسود، مع العلم ان الصبليون اللي ماركاو الاولين بواسطة خافي مينيگيز، والمنتخب المغربي قبل النتيجة وسجل 4 الاهداف بواسط كل من انس دحاني، وعثمان بومزو، وإدريس الرايس الفني، وأنس العيان.

للإشارة فالمنتخب الاسباني مصنف فالمركز الثالث عالميا والمنتخب المغربي مصنف فالمركز السادس عالميا، والماتشات اللي لعبو بجوج هاد السيمانا داخلين ضمن استعدادات المنتخبين لمونديال الفوتسال2024 فأوزبكستان.