كود – وكالات//

ماشي غير راجل لي عندو الاحتياطي صدقو هنا لعيلات حتا هوما ، مؤخرا، طالعو بزاف ديال الأخبار والتقارير اللي كيهضرو على واحد لفكرة سميتها “الحبيب الاحتياطي” ولا “Plan B”، واللي كتقول بأن نسبة كبيرة من لمراوات اللي فالعلاقات العاطفية كيكون عندهم شخص آخر فحياتهم كيبقاو محتافظين به كخطة بديلة إلا فشلات العلاقة الحالية.

هاد لفكرة جات بالأساس من استطلاعات رأي دارتها شركات تسويقية بحال OnePoll فبريطانيا، واللي شملات حوالي 1000 امرأة.

النتائج ديال هاد وبورتاج بينات بأن تقريباً نص لمشاركات (حوالي 50%، وفي بعض التقارير 43%) صرحو أنهم كيعرفو واحد الشخص اللي يقدرو يرجعو ليه إلا سالات العلاقة ديالهم الحالية.

أما شكون كيكون هاد “الحبيب الاحتياطي”، فالجواب غالباً بسيط: ممكن يكون صديق قديم، كوليج فالخدمة، حبيب سابق، أو حتى شي واحد كان مهتم بها فشي وقت.

لي كيشد الانتباه فهاد الدراسات، أن حوالي وحدة من كل أربعة لعيالات كالو بأن الشريك ديالهم الحالي عارف بوجود هاد الشخص الآخر.

من الناحية النفسية، الباحثين كيشوفو بأن هاد السلوك ماشي ضروري يعني خيانة مباشرة، ولكن ممكن يكون مرتبط بالإحساس بعدم الأمان العاطفي.

ولكن خاصنا ناخدو هاد النتائج بشي شوية ديال الحذر، حيت هاد الدراسات ماشي أبحاث علمية أكاديمية معمقة.