وكالات//

دار الجورنال ديال “نيويورك تايمز” الميريكاني واحد الاستطلاع على سمعة المرشحين للانتخابات الميريكانية الجايا، دونالد ترامب، وكامالا هاريس، بالمقارنة مع النجمة العالمية، المغنية تايلور سويفت.

وجا في نتائج الاستطلاع أن الناس صوتات بـ50 فالمية على أن ترامب عندو سمعة خايبة، و48 فالمية بالنسبة للمنافسة ديالو هاريس.

بالمقابل، كان عند الديمقراطيين رأي إيجابي على  سويفت، بنسبة 70%، مقابل 41% فقط من المستقلين، و23% من الجمهوريين.

هادشي كيجي بعدما هاجم ترامب المغنية الميريكانية، لي علنات صراحة أنها كتدعم المرشحة الديمقراطية، كامالا هاريس.