وكالات//

استخدمات الممثلة الميريكانية آمبر هيرد اسم مستعار باش تكري الفيلا لي سكنات فيها في العطلة لي كدوز في جزيرة مايوركا في إسبانيا.

واستعملات آمبر هيد اسم مارثا جين كناري، راعية البقر، والمعروفة باسم كالاميتي جين باش تكري الفيلا  لي كطل على البحر الأبيض المتوسط ولي كترجع الملكية ديالها للسياسية الإسبانية ماريا أنطونيا مونار.

جورنال The New York Post الميريكاني جاب تفاصيل الإقامة ديال آمبر هيد في إسبانيا، وقال إنها جلسات شهور في الجزيرة من بعدما سالات المحاكمة بينها وبين جوني ديب، وفي الأول كانت كتحاول تتخفى ولكن من بعد عرفوها الناس فبدات كتحرك بكل أريحية وسط الجزيرة.

سكان الجزيرة قالو للجورنال أن آمبر هيد كتقضي أغراضها اليومية بلا حراسة ولا مرافقة فقط مع بنتها، وكتهضر الإسبانية مزيان ولكن بلكنة ميكسيكية.