الرئيسية > آش واقع > استثناء الصبليون من عملية مرحبا. عمدة الخزيرات: دارت امور ماشي هي هاديك ديبلوماسيا وحنا نخلصو الثمن والخسائر كبيرة
08/06/2021 08:00 آش واقع

استثناء الصبليون من عملية مرحبا. عمدة الخزيرات: دارت امور ماشي هي هاديك ديبلوماسيا وحنا نخلصو الثمن والخسائر كبيرة

استثناء الصبليون من عملية مرحبا. عمدة الخزيرات: دارت امور ماشي هي هاديك ديبلوماسيا وحنا نخلصو الثمن والخسائر كبيرة

كود – علي الصافي ///

عمدة الخزيرات خوسي اگناسيو لاندالوس تصدم بقرار المغرب ما تكونش موانئ الصبليون فعملية مرحبا هاد العام.

وقال فحوار مع اذاعة “كوبى” ان هادي “خبار خايبة” وان قطاعات كثيرة غادية تاكل لعصا بهاد القرار.

العمدة هدر على شركات الملاحة البحرية والشركات المساعدة ووكالات الاسفار وشيفورات الطاكسي…. هادو غاديين يعانيو من عدم مرور عملية مرحبا فاسبانيا واقتصارها على فرنسا وايطاليا خاصة انها العام الثاني اللي ما كتكونش.

وعبر على املو ان هاد العملية او الحدود البحرية تفتح بعد مرور العيد لكبير شهر يوليوز.

وعاود اكد على اهمية عملية مرحبا “كنهدرو على اكبر عملية هجرة مراقبة فالعالم. كتخلق مناصب شغل. دابا ما غادياش تكون الخدمة.

وهاجم العمدة الحكومة الاسبانية عندما قال باللي الاشياء ما كانش مزيانة ديبلوماسيا وباللي هاد الشي كولو غادي يخلصو المواطن. فاشارة الى الخسائر اللي غادية تعرفها المدينة بسبب الغاء عملية مرحبا او استثناء موانئ اسبانيا

موضوعات أخرى

19/06/2021 16:00

أكبر سبب في إكتظاظ السجون والوضعية المزرية لي كيعيشوها راه هو الإعتقال الإحتياطي، عوض تستافد الدولة من هاد الناس بالكفالات وحتى هوما في حالة كانو أبرياء ميكونوش تكرفصو في الحبس على والو