الرئيسية > آش واقع > استثناء اسبانيا من عملية “مرحبا” تسبب فخسارة 40 فالمية للوطيلات الصبليونية
19/06/2021 17:30 آش واقع

استثناء اسبانيا من عملية “مرحبا” تسبب فخسارة 40 فالمية للوطيلات الصبليونية

استثناء اسبانيا من عملية “مرحبا” تسبب فخسارة 40 فالمية للوطيلات الصبليونية

كود- عن Diario de burgos//

كشفات معلومات رسمية أن إلغاء عملية مرحبا تضررو منها كَاع لوطيلات اللي كاينة فطرق العبور للمغاربة ديال برا، بحيث عرفات خسارة ديال 40 فالمية من المداخيل ديالها.

وحسب صحيفة Diario de burgos، فلوطيلات اللي كاينة فالطريق A1 وA62، وهي الطرقان اللي كيستعملوها 3 مليون من المغاربة المقيمين فأوروبا باش يرجعو للبلاد، هي اللي كلات الدق كثر.

وعلى هذشي قال أوكر أوكَارتي، مدير منطقة فونتيوسو، اللي فيها اوطيلات وريسطورات وسطاسيونات، أن “الحقيقة هي أن إلغاء عملية “مرحبا تضررنا منو اقتصاديا”، ولكن واخا هكذاك، توقع يكون تاثيرو أقل من العام اللي فات، فاش تلغات بسباب كورونا، حيت “كان الخوف من الوباء، دابا غتكون بزاف ديال الحركة بفضل الوباء”.

وقال روبرتو روك، مدير منطقة سيرانو، أن أهم مرحلة عندهم هي المرحلة فاش كيكَلسو المسافرين عندهم للراحة، قبل ما يندلقو فالرحلة ديالهم، وكاتكون فالغالب فاللول من شهر يوليوز.

وخايفين مدراء ومسيري لوطيلات توصل الخسارة من 40 حتى ل60 فالمية، وعلى هذشي قال خيسوس سيغورا، مدير اوطيل Ciudad de Burgos فروبينيا، أن هذ الضرر “وحشي”، حيت كتمثل عملية “مرحبا” 70 فالمية من نشاطهم خلال يوليوز.

https://www.diariodeburgos.es/Noticia/Z95A48972-E2B4-BD19-2F1C41D551DCE4A3/202106/La-guerra-con-Marruecos-lastra-negocios-de-la-A-1-y-la-A-62

موضوعات أخرى

27/07/2021 21:30

شيافر الطاكسيات فمكناس كاعيين بسباب قرار جوج بلايص.. وشيفور لـ”كود”: مكرفصين ومتضررين ماديا ومول الطاكسي مايعقلش عليك وغيبغي روسيطتو كاملة