الرئيسية > آش واقع > استئناف الرحلات الدولية غيكون ف10 يوليوز.. ومصدر من “لارام” لـ”كود”: مازال ماعرفناش الدول اللي غنحلو معاها الحدود واللي لا.. والإجراءات بادية على قدم وساق
26/06/2020 18:00 آش واقع

استئناف الرحلات الدولية غيكون ف10 يوليوز.. ومصدر من “لارام” لـ”كود”: مازال ماعرفناش الدول اللي غنحلو معاها الحدود واللي لا.. والإجراءات بادية على قدم وساق

استئناف الرحلات الدولية غيكون ف10 يوليوز.. ومصدر من “لارام” لـ”كود”: مازال ماعرفناش الدول اللي غنحلو معاها الحدود واللي لا.. والإجراءات بادية على قدم وساق

عفراء علوي محمدي- كود//

عرفات “كود” من مصادر موثوقة أن الرحلات الدولية غادي تستأنف ابتداء من 10 يوليوز الجاي، يعني مباشرة بعد تاريخ رفع الحجر.

وفحديث “كود” مع مصدر فالخطوط الملكية المغربية (لارام)، قال بللي الاستعدادات بادية على قدم وساق من أجل استئناف الرحلات للخارج انطلاقا من هذ التاريخ.

وبالنسبة للدول اللي غيفتح معاها المغرب الرحلات الجوية والدول اللي لا، كيقول المصدر : “هذ النقطة ماعندناش معلومات عليها، الدولة المغربية هي اللي مازال غتقرر شناهي البلدان اللي غتفتح معاها الحدود والبلدان اللي لا، حنا كشركة للطيران غير غادي نطبقو التعليمات اللي غاتجينا”.

وحول الإجراءات الوقائية اللي غتديرها شركة الطيران بعد استئناف الرحلات من وإلى الخارج فهذ التاريخ، كيقول المصدر نفسو “الإجراءات الاحترازية هي نفسها اللي كنديرو دابا فاش كنجيبو المغاربة اللي حاصلين برا، وكذلك هي نفس الإجراءات اللي كيتم اعتمادها حتى فالرحلات الداخلية”.

وقال المسؤول أن الإجراءات اللي كتعتمد (لارام) ذات جودة عالية وحسن من مجموعة من شركات الطيران العالمية، اللي كتعتمد التعقيم المستمر للطائرات، والحرص على التباعد الجسدي بين المسافرين فالمقاعد، وكيكون وضع الكمامة ضروري وإجباري داخل الطيارة،

وهذو أهم الإجراءات الوقائية اللي معتمداها (لارام):

موضوعات أخرى

09/07/2020 22:00

الوداد والرجاء كتساين فيهم تعديلات جديدة دخلاتها “الكاف” على مسابقتي عصبة الأبطال وكأس الكونفدرالية