جبير ايوب كازا///

قررات محكمة الاستئناف فالدار البيضاء تأجيل الجلسة ديال محاكمة الشباب لي معروفين بـ”ولاد لفشوش”، ولي تورطو فعملية الرشق بالحجارة والبيض فالطريق السيار، حتى النهار الخميس 27 مارس الجاري.

القضية كانت شدات الرأي العام بعدما انتاشرات فيديوهات فالسوشيال ميديا كيبانو فيها المتهمين كيرميو الحجارة والبيض على السيارات لي دايزين فالطريق السيار، وهادشي لي خلق حالة استياء كبيرة وسط مستعملي الطريق، خصوصا وأن الفعل لي داروه كيشكل خطر كبير على سلامة الناس.

المتهمين تواجهو بتهم ثقيلة مرتبطة بتعريض حياة الناس للخطر وإلحاق أضرار بالممتلكات، والمحكمة قررات تأجيل الجلسة باش يتم استكمال التحقيق والاستماع للشهود.