الرئيسية > آش واقع > استئنافية طنجة حكمات بالإعدام لقاتل ومغتصب عدنان بوشوف
07/04/2021 09:30 آش واقع

استئنافية طنجة حكمات بالإعدام لقاتل ومغتصب عدنان بوشوف

استئنافية طنجة حكمات بالإعدام لقاتل ومغتصب عدنان بوشوف

كود كازا//

أيدات غرفة الجنايات فمحكمة الاستئناف فطنجة حكم الإعدام الصادر فحق (ع.ح)، قاتل ومغتصب الطفل عدنان بوشوف.

وأيدات المحكمة جميع التهم المنسوبة إليه، من قتل عمد مع سبق الإصرار والترصد وهتك عرض قاصر يقل سنه عن 12 سنة بالعنف، بالإضافة لجرائم الاختطاف والاحتجاز، وإخفاء الجثة وتشويهها.

هذشي وإيدات المحكمة العقوبات الصادرة فحق للمشاركين الثلاث فالجريمة، واللي كانو كيسكنو مع المتهم الرئيسي فنفس الشقة، وحكمات عليهم ب4 شهور دالحبس بسبب عدم التبليغ عن وقوع جناية رغم علمهم بها.

ودانت المحكمة المتهم الرئيسي (ع.ح) بتهم الاغتصاب والقتل العمد مع سبق الإصرار والترصد وإخفاء جثة وتشويهها، والتغرير بقاصر يقل سنه عن 12 سنة واستدراجو واحتجازو وهتك عرضو بالعنف والاحتجاز المقرون بفدية.

وفالعام اللي فات، كانت مدينة طنجة والمغرب كامل اهتز على وقع فاجعة مقتل الطفل عدنان بوشوف، بعد أيام من الاختفاء ديالو، وتداول صورو على مواقع التواصل الاجتماعي، ومنهم آخر صورة ليه من فيديو دكاميرات المراقبة، بان فيها مع شخص غريب.

وتم العثور على عدنان مقتول ومدفون فحديقة عمومية قريبة للمنزل ديال عائلتو، مباشرة بعد إلقاء القبض على المتهم الرئيسي فهذ القضية اللي اعترف بالمنسوب ليه للضابطة القضائية.

موضوعات أخرى

17/04/2021 21:00

رمضان وكونفينمون (الحلقة 3).. محمد الشوبي فحوار مع “كود”: الاحتجاج على التراويح مزايدة ونقاش سطحي والرسول وكان كيصلي فدارو.. وفالستينات كانو الناس كياكلو رمضان وماكيتسوق ليهم حد