الرئيسية > آراء > اسبوع الزبلات بنعرفة مع الصين وامريكا. قودها مع الرئيس الصيني وموقع حزبه خرج المقال اللي كيسب ترامب
08/09/2018 15:00 آراء

اسبوع الزبلات بنعرفة مع الصين وامريكا. قودها مع الرئيس الصيني وموقع حزبه خرج المقال اللي كيسب ترامب

اسبوع الزبلات بنعرفة مع الصين وامريكا. قودها مع الرئيس الصيني وموقع حزبه خرج المقال اللي كيسب ترامب

كود احمد الطيب ////

اسبوع زبلات بنعرفة اللي هو رئيس للحكومة وامين عام لحزب العدالة والتنمية. الزبلة الاولى جات من الصين. السيد بكل غباء ودابا بان علاش ما كانش يستحق يكون وزير خارجية اللي خداها مع حكومة بنكيران ف2012 .

بنعرفة قال في بيان رسمي ان الرئيس الصيني قال له ان بلاده مع الوحدة الترابية للمغرب اي مع مغربية الصحراء. هاد الشي ما كانش فوكالة ابناءهم. هاد الشي واخا يكون تقال بصاح يستحيل على رجل سياسة سوي وبعقلو ينشرو.

فضيحة كبيرة غادية دير الضغط على الصين اللي اكيد غادية تاخد موقف متشدد من الصحرا باش ترد على هاد البيان. الغباء وما يدير. بالاضافة الى ان الصين ديما عندها هاداك الحياد اللي ماشي فصالح ملف قضية الصحراء.

كون يفهم هاد بنعرفة، ياك كان معاه وزير الخارجية والتعاون ناصر بوريطة، يسولو على موقف الصين الاخير من قرار مجلس الامن حول الصحراء. غادي يقول ليه بوريطة باللي ما كانتش فصالحنا.

وحتى ايلى كان شي تغيير فموقف الصين من الصحرا ما خاصش رئيس حكومتنا يفرشو.

قودناها مع الصين بسباب جهلو وكملها موقع حزبو بنشر مقال نيويورك تايمز كاملا مترجما. هادا حزب سياسي يقود الحكومة. يترجم مقال كيسب فترامب وكلشي العالم عارف ترامب كيف داير راه نوع من الغباء ما منو غباء. دابا ترامب ايلى ما عندو ما يدار وسمع على هاد الترجمة اللي هي موقف سياسي ودار شي تدوينة. راه ماشي غادي يفزع بنعرفة وصافي وبلاد كلها. مرة قال مسؤول مغربي كبير ل”كود” “احسن حاجة فعلاقاتنا مع امريكا هو ان ترامب ناسينا. وحسن لينا ينسانا. هاداك ممكن يدير 140 كلمة يقلب قضية الصحراء كلها”.

من المفروض فرئيس الحكومة اللي كان وزير خارجية فاشل يكون عارف هاد الشي. اواه جوج دول اعضاء فمجلس الامن الدولي نوضها معاهم.

موضوعات أخرى

25/09/2018 21:00

واش العثماني فراسو السياسة الخارجية د البلاد ولا مزال كايحن لموقف الاخوان المسلمين ف قضية كوسوفو؟ السيد تلاقا بممثل كوسوفو بلا مايشاور و القضية غادي تدير أزمة مع صربيا