كريم الصوفي – كود//
[email protected]

قالت تقارير إخبارية، أن مهاجر كيحمل الجنسية المغربية تحول من شاهد لمتهم رئيسي ف جريمة قتل وقعات ف غشت الفايت بضواحي مدريد، بعد ما لقاو البوليس ف مستودع صناعي جثة شابة تحرقات ف حريق.

وحسب يومية “إل كونفيدونثيال”، الضحية تبين أنها صديقة للمتهم المفترض وسبق ليها بلغات عليه بتهمة الإساءة ونهار وقوع الجريمة كان معاها كيتفرجو ف شي فيلم وغير وقعات الحادثة مشا عند البوليس وعطا إفادة باعتباره شاهد، لكن التحريات بينات من بعد انه مشتبه به رئيسي وقاضي التحقيق كيجمع ف شهادات اللي ممكن تثبت عليه التهمة.