الرئيسية > آش واقع > اسبانيا عاصرة على المغرب. ما خبراتوش باش دخل غالي وهاد الليلة خبراتو باللي غادي يخرج من لبلاد
01/06/2021 21:00 آش واقع

اسبانيا عاصرة على المغرب. ما خبراتوش باش دخل غالي وهاد الليلة خبراتو باللي غادي يخرج من لبلاد

اسبانيا عاصرة على المغرب. ما خبراتوش باش دخل غالي وهاد الليلة خبراتو باللي غادي يخرج من لبلاد

كود كازا ///

قالت وزيرة الخارجية الاسبانية لايا گونزاليث ان مدريد اخبرت المغرب رسميا باللي ابراهيم غالي زعيم البوليساريو غادي يغادر الصبليون الليلة. ووفق الوزيرة الاسبانية هاد الشي داز عبر “الطرق الديبلوماسية” بلا ما يحددو اش هي٬ خاصة ان الرباط مستدعية سفيرتها فمدريد كريمة بنيعيش للتشاور على قبل هاد الشي ديال غالي. دابا خاص تأكيد مغربي لهاد الرواية.

دابا مدريد شادة فينا وصافي. باش دخل ما خبراتوش ووقع للي وقع. الفيلم عارفينو: سبتة واستدعاء السفير والاتحاد الاوربي ووو.

اذاعات اسبانية قالت باللي غالي فالمطار دابا وكتسناه طيارة خاصة جزائرية تهزو للعاصمة الجزائر. وصلات لامبيلانس دابا والطيارة تقدر تكون فالسما.

الوزيرة قالت فتصريح قصير ان غالي خرج بهويتو اللي دخل بيها لاسبانيا.

 

موضوعات أخرى

20/06/2021 14:33

خاص.. أعلى معدل عام فـ الباك هاد العام مولاتو بنت من مراكش.. التلميذة أمينة زروالي لـ”كود”: مكونتش منتظرة هادشي وها شنو عوّالة اندير بعد الباك

20/06/2021 12:30

الوزيرة لايا گونزاليث لي ورطات حكومة مدريد ف استقبال غالي نكرات علاقتها بالقضية وقالت ما عندي حتا ضوصي او وثيقة على دخول غالي لاسبانيا