كود – كازا ///

قالت مواقع إسبانية، إن المحاكمة الغيابية ديال عبد الله الحاج صادق المنبري “ميسي الحشيش” بدات البارح الاثنين، 23 شتنبر 2024، قدام محكمة قادس بالجزيرة الخضراء.

وأضافت المصادر ذاتها، أن 26 عضو فهاد الريزو ديالو تعرضو على المحكمة في الجلسة الأولى، وغادي تستمر الإجراءات الأولية ديال المحاكمة تقريبا 2 سيمانات.

وكيواجهو اتهامات بالمشاركة ف تهريب تسع شحنات على الأقل ديال الحشيش من المغرب إلى إسبانيا، بين فبراير 2016 ويناير 2017. كتسناهم كثر من 350 عام ديال الحبس ومليار يورو غرامة.

وتؤكد تقارير إسبانية، وجود “ميسي الحشيش” ف المغرب وكيعيش حياة طبيعية في شمال المملكة. هاذ بارون المخدرات هرب من إسبانيا ف مارس 2019 بعدما كان مطلوب للعدالة بعد تفكيك الريزو الأول ديالو. وحتا لدابا تم تفكيك حوالي 4 ديال الريزوات بين المغرب والصبليون كلهم تابعين ليه.