الرئيسية > آش واقع > اسبانيا الاشتراكية نسات تقرير المصير فسياستها. سانشيز متبع سياسة بوريل وبدل سياستو فالصحرا
26/09/2019 09:32 آش واقع

اسبانيا الاشتراكية نسات تقرير المصير فسياستها. سانشيز متبع سياسة بوريل وبدل سياستو فالصحرا

اسبانيا الاشتراكية نسات تقرير المصير فسياستها. سانشيز متبع سياسة بوريل وبدل سياستو فالصحرا

كود علي الصافي ////

رئيس الحكومة الاسبانية بالنيابة الاشتراكي بيدرو سانشيز بدل موقفو من الصحرا. هاد السياسي الاشتراكي اللي من المتوقع حسب استطلاعات الرأي الاسبانية باش يبقى رئيس للحكومة بعد الانتخابات التشريعية لعاشر نونبر٬ ما بقاش يستعمل عبارة “تقرير مصير الشعب الصحراوي” اللي كانت لازمة فخطاب سابقيه. هدر غير على  دعم اسبانيا لحل سلمي ترعاه الامم المتحدة باش يلقاو حل “عادل ودائم” لهاد القضية.

ماشي هادي اول مرة ما كيستعملهاش رئيس الحكومة الاسباني بالنيابة هاد العبارة. باش قدم 370 اجراء رغبة منو فنيل رضى مجلس النواب ويصوتو على تعيينو٬ ما جبدش هاد العبارة. كان التغيير فموقف الاشتراكيين من ملف الصحراء.

الاسبان كيقولو ان هاد السياسة وضعها وزير خارجية اسبانيا الكاتالاني جوزيب بوريل. هذا هو المنظر لهاد التحول. ديبلوماسي ضد التيارات الانفصالية من منطقتو حتى لمناطق اخرى. بوريل كان تلاقى مع وزير خارجية المغرب ناصر بوريطة فنفس النهار اللي كان فيه سانشيز كيخطب فالامم المتحدة.

موضوعات أخرى

10/07/2020 21:30

فصل جديد فالخلاف بين المغرب ومنظمة العفو الدولية.. رئيس الحكومة توصل برسالة من الأمينة العامة بالنيابة للمنظمة.. وها ردو عليها بعدما ماضمناتش الأدلة المادية لي طالبات بها الحكومة