كود اسماء غربي ///

اعتقال صحافية تم تشويهها ماشي فابور. اعتقال الصحافية فيومية “اخبار اليوم” ه. ر. صدم كاع اللي خدامين. السيدة من نهار السبت وهي مشدودة مع خطيبها السوداني بتهمة الاجهاض وطبعا غاديين يزيدوها العلاقة غير الشرعية.

المسكينة كانت فعيادة طبيب نهار السبت. بغات دير اجهاض قبل زواجها اللي باقي ليه 15 يوم وكانو كيوجدو ليه. اليوم تقدمات عند وكيل الملك بعد ما دوزات يومين فسجن العرجات ومعاها خطيبها السوداني.

المثير ماشي فالتوقيت وصافي ولكن هادي من المرات الناذرة اللي كنسمعو اعتاقلو شي حد باغي يدير اجهاض. المغرب وفق رئيس الجمعية المغربية لمكافحة الإجهاض السري، البروفسور شفيق الشرايبي، اللي كيدافع على تقنين الإجهاض، أو الإيقاف الطبي للحمل٬ فان هناك ما بين 600 و800 عملية اجهاض فالمغرب كدار يوميا.

كون كنسمعو على كاع هاد عمليات الاجهاض كون ما فاتش الحالات 20 فالنهار عوض 800.

وفق مصدر “كود” فان قضية ه. ر صادمة الجريدة كلها وامها مسكينة ما فراسهاش وحتى عائلتها ماشي كلهم كيعرفو.