گود سبور//

يواصل الدولي المغربي أيوب بوعدي تقديم مستواه الكبير والمتطور مع مانشستر سيتي النگليزي، والبارح ضد نورويتش فبطولة النگليز اللي ربحوه بـ5-0، حقق أرقام فردية واعرة كاتأكد تطور مستواه.

أيوب بوعدي مول الـ18 عام، واللي كايلعب أول موسم له مع مانشستر سيتي ومادارش معهم المعسكر الإعدادي فالصيف، حيث كان باقي مع ليل الفرنسي، لعب رسمي البارح الخميس ضد نورويتش سيتي، وف90 دقيقة لعبها مس الكورة 112 مرة، وعطى 98 تمريرة ناجحة، بدقة تمرير وصلت لـ95%، وعطى اسيست ديال هدف واحد، وقطع الكورة على الخصم ورجعها لفرقتو 4 المرات، وما ضاعتش له الكورة فالماتش.

للإشارة فأيوب بوعدي كاين ضمن لائحة المنتخب الوطني المغربي، اللي عيط لها الناخب الوطني محمد وهبي استعدادا لماتشات الگابون وليسوتو ضمن إقصائيات كاس إفريقيا 2027، يومي 25 فالرباط، و29 سبتمبر فجنوب إفريقيا، وماتش أميكال ضد غانا يوم 4 أكتوبر فطنجة.