الرئيسية > آش واقع > ارتفاع فعدد اللي تشافاو واللي ماتو بفيروس كورونا: تسجلات اليوم 191 إصابة جديدة و651 شفاء و5 وفايات.. الطوطال: 15936 مصاب و12934 متعافي و255 متوفي.. و2747 كيتعالجو
13/07/2020 17:45 آش واقع

ارتفاع فعدد اللي تشافاو واللي ماتو بفيروس كورونا: تسجلات اليوم 191 إصابة جديدة و651 شفاء و5 وفايات.. الطوطال: 15936 مصاب و12934 متعافي و255 متوفي.. و2747 كيتعالجو

ارتفاع فعدد اللي تشافاو واللي ماتو بفيروس كورونا: تسجلات اليوم 191 إصابة جديدة و651 شفاء و5 وفايات.. الطوطال: 15936 مصاب و12934 متعافي و255 متوفي.. و2747 كيتعالجو

عفراء علوي محمدي- كود//

علنات وزارة الصحة على تسجيل 651 حالة شفاء بفيروس كورونا المستجد فهذ 24 ساعة الأخيرة، وهكذا وصل مجموع المتعافين لـ12934، بنسبة تعافي د81,2 فالمية.

وهذي المرة الثانية اللي كيفوت فيها عدد حالات التعافي اليومية بالفيروس فالمغرب سقف 600 شخص، بحيث كان سبق للمغرب سجل 677 حالة شفاء يوم الأربعاء اللي فات، وكيتعتبر هذ المعدل هو الأعلى لحد الآن.

لكن فالمقابل، كشفات هند الزين، رئيسة مصلحة الأمراض الوبائية بمديرية الأوبئة بوزارة الصحة، فالندوة اليومية للترصد الوبائي لفيروس كورونا المستجد، عن ارتفاع عدد الوفيات اليومية، بحيث تسجلات 5 وفيات اليوم، ووصل عدد المتوفين فالمجموع ل255 حالة، بنسبة إماتة د1,6  فالمية.

بالنسبة لعدد الإصابات الجديدة، تسجلات اليوم 191 حالة، 94 فالمية منها تكتشفات عن طريق تتبع المخالطين وتقصي البؤر الوبائية، وهكذا وصل المجموع ل15936.

وهذ الإصابات الجديدة كتتوزع جهويا على الشكل التالي: مراكش آسفي سجلات 68 إصابة، فاس مكناس 57، طنجة تطوان 37، الجهة الشرقية 20 ، الرباط سلا القنيطرة 7، وسجلات كل من بني ملال خنيفرة وسوس ماسة إصابة واحدة لكل وحدة فيهم.

وبلغ عدد المصابين اللي مازال كيتلقاو العلاج 2747 حالة، 28 منهم فوضعية حرجة كيتوزعو على الجهات كالآتي: 10 فطنجة تطوان، 7 فمراكش آسفي، 6 فكازا، 2 فكل من الرباط وفاس، وحالة واحدة فبني ملال خنيفرة.

بالنسبة لعملية تتبع المخالطين، فقد اكتشاف لحد الآن 85657 مخالط، من ضمنهم 13431 مازالين تحت المراقبة.

ووصل مجموع الحالات المستبعدة ل880702 بعد ما خرجات تحاليلهم سلبية.

وهذا التوزيع الجغرافي للإصابات بالنسبة المئوية:

 

موضوعات أخرى