الرئيسية > آش واقع > ارتفاع صاروخي فالوفيات اليوم.. حصيلة كورونا هاد 24 ساعة: 500 تصابو و11 ماتو و513 تشافاو.. الطوطال: 21387 مصاب و327 متوفي و17066 متعافي و3994 كيتعالجو
28/07/2020 17:30 آش واقع

ارتفاع صاروخي فالوفيات اليوم.. حصيلة كورونا هاد 24 ساعة: 500 تصابو و11 ماتو و513 تشافاو.. الطوطال: 21387 مصاب و327 متوفي و17066 متعافي و3994 كيتعالجو

ارتفاع صاروخي فالوفيات اليوم.. حصيلة كورونا هاد 24 ساعة: 500 تصابو و11 ماتو و513 تشافاو.. الطوطال: 21387 مصاب و327 متوفي و17066 متعافي و3994 كيتعالجو

عفراء علوي محمدي- كود//

علنات وزارة الصحة على تسجيل 11 حالة وفاة بفيروس كورونا المستجد فهاد 24 ساعة الأخيرة، 5 فطنجة، 2 فكل من كازا وفاس، ووحدة فكل من مراكش وخنيفرة، وهكذا وصل مجموع اللي ماتو لـ327 متوفي.

وكشف معاذ المرابط، منسق المركز الوطني لعمليات الطوارئ العامة بوزارة الصحة، فالندوة اليومية للترصد الوبائي لفيروس كورونا المستجد، اليوم الثلاثاء، أن حصيلة الوفيات اللي تسجلات اليوم هي الأعلى على الإطلاق منذ بدايات الوباء فالمغرب.

لكن فالمقابل، كاين ارتفاع حتى فحالات الشفاء، بحيث تسجلات 513 حالة، ووصل الطوطال لـ17066، أي بنسبة تعافي د80 فالمية.

بالنسبة للإصابات، تسجلات اليوم 500 حالة، وهكذا وصل المجموع لـ21387، أي بمعدل 59 لكل 100 ألف نسمة، وبمعدل إصابة كيبلغ 1,4.

وهاد الحالات تسجلات أغلبها فكازا سطات (165)، بينما سجلات فاس مكناس 161، مراكش آسفي 65، طنجة تطوان الحسيمة 48 حالة، جهة الرباط سلا 38، درعة تافيلالت 8، الجهة الشرقية 7، ثم بني ملال خنيفرة وسوس ماسة 4 حالات لكل منهما.

والحالات النشيطة بلغ عددها 3994، 1225 منها فطنجة تطوان الحسيمة، 1199 فكازا، 755 فجهة فاس مكناس، و419 فجهة مراكش آسفي، وباقي الحالات كتتوزع على مختلف الجهات الأخرى.

ومن بين الحالات اللي مازال كتعالج، كاينة 68 حالة خطيرة، 7 فيهم تحت التنفس الاصطناعي، وهاد الحالات كتتوزع على الجهات على النحو التالي: كازا سطات 22، مراكش آسفي 19، طنجة 15، فاس مكناس 10، وجوج حالات فالرباط.

ومن 500 حالة تكتاشفو 423 عبر  تتبع المخالطين، ودابا وصل عددهم لـ116762، ومن بينهم 13539 مازالين تحت المراقبة الطبية.

واليوم تستبعدات 20188 حالة، ووصل المجموع 1167414 بعد ما خرجات تحاليلهم سلبية.

وهذا التوزيع الجغرافي للإصابات بالنسبة المئويية:

موضوعات أخرى

03/08/2020 19:00

بنادم كان كيسرق بسباب الجوع والفقر شحال هادي.. دابا البراهش كيسرقو وهوما راكبين على إس آش بربعة دالمليون وكيسرقو على ود الطاسة والبنات والحلويات والحفلات واللباس والماطر والحياة ديال الفيديوكليبات