كود سبور//

واقعة شي حاجة ماشي هي هاديك فالمنتخب الإيراني لأقل من 17 عام، خصم المنتخب الوطني المغربي فثمن نهائي مونديال U17 فأندونيسيا.

كاين ارتباك وسط المنتخب الإيراني قبل مواجهة المنتخب المغربي، والمسؤولين على المعدات الرياضية الإيرانيين نساو الماطيريال ديال التداريب فمدينة كابوباتات اللي لعبو فيها الماتش الثالث من دور المجموعات وكيقلبو على الحل.

وغتكون غدا آخر حصة تدريبية للمنتخبين المغربي والإيراني قبل من الماتش ديال ثمن النهائي بين الطرفين يوم الثلاثاء المقبل، فمدينة جاكارتا الإندونيسية فتيران جيلورا بونك.