الرئيسية > آش واقع > ادعاءات أن واحد ماحضرش فكتابي التعاقد ونجح.. اكاديمية فاس مكناس كتوضح: هذشي كذوب وغا نتابعو اللي روج هذ الخبار
02/12/2020 16:20 آش واقع

ادعاءات أن واحد ماحضرش فكتابي التعاقد ونجح.. اكاديمية فاس مكناس كتوضح: هذشي كذوب وغا نتابعو اللي روج هذ الخبار

ادعاءات أن واحد ماحضرش فكتابي التعاقد ونجح.. اكاديمية فاس مكناس كتوضح: هذشي كذوب وغا نتابعو اللي روج هذ الخبار

كود- كازا//

واحد التدوينة شعلات مواقع التواصل الاجتماعي، بعدما علنات واحد المترشحة لمباراة التعاقد أن واحد كان كَالس قدامها ما جاش يدوز كَاع، وفآخر المطاف انجح وداز للشفوي.

وادعت المترشحة أن الرقم ديال هذ الطالب هو 46658، وأنه دوز معاها فإعدادية الرياض ففاس، وأن بلاصتو كانت خاوية وكتتحمل مسؤوليتها فهذشي اللي كتقول.

هذ التدوينة تبارطاجات على نطاق واسع وتسكرينات، حتى خرجات الأكاديمية الجهوية للتربية والتكوين بجهة فاس مكناس على الصمت ديالها، وصرحات ان هذ الخبر لا أساس له من الصحة.

وقالت الأكاديمة، فبلاغ ليها، ان هذي مجرد “مزاعم أطلقها بعض رواد مواقع التواصل الاجتماعي، تفيد بنجاح مترشح تغيب عن حضور اختبار اللغة العربية لمباراة توظيف أساتذة التعليم الثانوي أطر الأكاديمية”.

وأكدات أن المترشح المعني دوز الاختبارات الكتابية كاملة، وهذشي كيشير ليه التوقيع ديالو فالمحضر وورقة التحرير، كيف أكدات على أنها حريصة على سير الاختبارات فأحسن الظروف.

واحتفضات الأكاديمية بحقها فالولوج إلى القضاء، لمتابعة الناس اللي كيروجو هذ المعلومات، وكيمسو بشفافية الامتحانات.

موضوعات أخرى