الرئيسية > آش واقع > ادارية الرباط لشركة صوماجيك فطنجة: ممنوع من هنا لفوق ديرو الصابو لسيارات المواطنين
16/02/2021 16:50 آش واقع

ادارية الرباط لشركة صوماجيك فطنجة: ممنوع من هنا لفوق ديرو الصابو لسيارات المواطنين

ادارية الرباط لشركة صوماجيك فطنجة: ممنوع من هنا لفوق ديرو الصابو لسيارات المواطنين

كريم الشركي-كود///

أصدرت محكمة الاستئناف الادارية فالرباط قبل ايام، حكمها ضد شركة صوماجيك باركينغ اللي كتسير الباركينغات فطنجة، واللي ترفعو عليها بزاف دالدعاوي حقاش كادير للسيارات الصابو.

الدعوى اللي رفعاتها جمعية صناعة الفنادق بطنجة وناحيتها، صدر فيها حكم ابتدائي منع شركة صوماجيك دير صابو مستقبلا على السيارة ديال شي حد، وجا الحكم الاستئنافي مؤيد للحكم الابتدائي، حيث انه من دابا لفوق، ممنوع الشركة دير الصابو للناس لي مكيخلصوش الباركي.

وكانت جمعي الفنادق لي تضررات وتضررو زبناء الفنادق من صوماجيك رفعات دعوى عليها، باش مايبقاش يدار الصابو للزبناء، خصوصا انهم فالصباح ملي كيفيقو من النعاس ويخرجو من لوطيل كيلقاو الشركة دارت ليهم الصابو، هادشي خلا الجمعية تلتجئ للقضاء باش تحمي زبناء الفنادق.

موضوعات أخرى