گود سبور//

ادارة الوداد الرياضي كاعية على تصرف الرئيس الأسبق عبد الاله اكرم. مصدر منها قال ل”كود” انو ما عمرو ما علم النادي بأنه غادي يحجز على فلوس تسالهم شركتو “وكالة الأسفار” للوداد البيضاوي.

مصدر “كود” اكد باللي الإدارة الحالية ما فراسها والو وكانت ممكن تلقى حل واخا كاينة ازمة.

ونفات مصادر “كود” تكون توصلات بشي أشعار منو كيطالب فيه بفلوس ديالو، واستغربت على اقدام محامي الشركة ديالو Plein ciel بتنفيذ حكم ضد الوداد لمصلحة الشركة المذكورة القيمة المالية ديالو 270 مليون، وعلى غفلة.

وكشفت ادارة الوداد الرياضي ل “گود”، أن عبد الاله اكرم والمحامي ديالو عمرهم اتصلو بالوداد اداريا، على قبل هاد الفلوس اللي كايتسال الرئيس السابق للحمرا، او علمو النادي، أو ان الاخير يكون توصل منهم بشي إشعار بخصوص هادشي.

استغراب ادارة الوداد كان كذلك من كون هادا كان رئيس للحمرا، زاد ازمها، فحين رؤساء أندية كثيرة كيكونو كرما مع فرقتهم. كيوقفو معاها وكيعرضو فلوسهم وخبرتهم باش تخرج من الازمة

وعبرت ادارة الوداد الرياضي عن استغرابها من خطوة عبد الاله اكرم تجاه النادي الاحمر، وعلاش ما علمهمش ادارة الفريق، والأكثر من هذا شنو اللي خلاه يدير هاد الطريقة وفهاد الظروف اللي كيحاول فيها المكتب المديري ديال عبد المجيد البرناكي المنتخب قبل شهرين، يقاد البيت الأحمر من الداخل ماديا ومعنويا ويلم شمل الوداديين.

واللي زاد من تعجب ادارة الوداد هو ان هاد الخطوة صدرت من واحد ودادي وكان رئيس للواك لعدة سنوات، فالوقت اللي رؤساء اندية صغيرة كيدعمو الفرق ديالهم فالظروف الصعيبة بأضعاف من داكشي اللي عطى اكرم للوداد، وعمرهم قالوها باشي ما ينقصوش من قيمة النادي ديالهم.