الرئيسية > آش واقع > اخنوش: نزيدو للمعلمين 2500 درهم والتعليم الاولي من 4 سنين وبمتخصصين
07/06/2021 22:30 آش واقع

اخنوش: نزيدو للمعلمين 2500 درهم والتعليم الاولي من 4 سنين وبمتخصصين

اخنوش: نزيدو للمعلمين 2500 درهم والتعليم الاولي من 4 سنين وبمتخصصين

كود وجدة ///

خصص عزيز اخنوش رئيس التجمع الوطني للاحرار المحطة الرابعة للحزب للي كانت اليوم بوجدة للحديث عما يقترحه لقطاع التعليم. الحزب وعد باحداث كلية لتكوين الأساتذة٬ كما عاد واكد على رفع اجور المعلمين من 5000 الى 7500 درهم.

بخصوص التعليم الاولي اقترح اخنوش باش يبدا من 4 سنين وباش يتم انشاء دور الحضانة ويتم تكوين مربيين متختصصين.

بخصوص التعليم فالعروبيات٬ كشف الحزب انه باغي “يوسع” “شبكة المدارس الجماعية بالعالم القروي وتحسين خدمات النقل والمطاعم المدرسية لفائدة التلاميذ في العالم القروي”.

كما اكد فبرنامجو اللي علنو رئيس الحزب عزيز اخنوش بوجدة٬ عن احداث “دار الأسرة”. مهمتو مساعدة وتوجيه لمغاربة باش يستافدو من “الخدمات الاجتماعية مثل التغطية الصحية والمساعدات المالية والإعانات”.

الامازيغية حاضرة فما قدم بوجدة٬ الحزب قال باللي عندو برنامج ل”إحداث صندوق تفعيل الطابع الرسمي للأمازيغية، وتمويل موارده من ميزانية الدولة، وستصل إلى 1 مليار درهم سنويا ابتداء من سنة 2025″.

بخصوص الشباب٬ قال ان الحزب الى جا اللول فالانتخابات التشريعية المقبلة سيخلق “جواز للشباب” pass jeune. موجه للشباب اللي عمرهم ما بين 16 و30 سنة. كيعطيهم امتيازات فالنقل وتسهيل الاندماج والولوج للخدمات العمومية.

اخنوش قال ان ما قدم فالمحطة الرابعة للجولة الوطنية للأحرار اليوم توج 5 سنوات من التواصل والعمل الميداني للحزب.

موضوعات أخرى

20/06/2021 14:33

خاص.. أعلى معدل عام فـ الباك هاد العام مولاتو بنت من مراكش.. التلميذة أمينة زروالي لـ”كود”: مكونتش منتظرة هادشي وها شنو عوّالة اندير بعد الباك

20/06/2021 12:30

الوزيرة لايا گونزاليث لي ورطات حكومة مدريد ف استقبال غالي نكرات علاقتها بالقضية وقالت ما عندي حتا ضوصي او وثيقة على دخول غالي لاسبانيا