الرئيسية > آش واقع > اخنوش من طنجة: كنواعد بتشغيل 250 الف مغربي ومغربية بشكل طارئ.. ونعطيو قروض تقدر توصل لـ100 الف درهم بلا فائدة لأي واحد باغي يدير مشروع
06/06/2021 13:00 آش واقع

اخنوش من طنجة: كنواعد بتشغيل 250 الف مغربي ومغربية بشكل طارئ.. ونعطيو قروض تقدر توصل لـ100 الف درهم بلا فائدة لأي واحد باغي يدير مشروع

اخنوش من طنجة: كنواعد بتشغيل 250 الف مغربي ومغربية بشكل طارئ.. ونعطيو قروض تقدر توصل لـ100 الف درهم بلا فائدة لأي واحد باغي يدير مشروع

كود طنجة//

استعرض عزيز اخنوش، رئيس حزب التجمع الوطني للأحرار، المقترحات المتعلقة بالتزام التشغيل وتقوية الاقتصاد الوطني، في ظل المستجدات اللي كتعرفها الساحة الوطنية جراء تفشي جائحة كورونا، واللي تسببت في فقدان أكثر من 600 ألف مغربي، لعملهم نتيجة الأزمة الاقتصادية، قائلا “حنا اليوم أمام رهانين، الأول كيتعلق بمواجهة الأزمة الحالية، والثاني كيهم تقوية اقتصاد الغد”.

ووعد أخنوش، بتشغيل 250 ألف مغربية ومغربية بشكل طارئ، وذلك في حالة تمكن حزبه من تصدر الانتخابات المقبلة ورئاسة الحكومة.

وقال عزيز اخنوش، خلال المحطة الثالثة من تقدير البرنامج الانتخابي لحزب الحمامة، اليوم بمدينة طنجة، إن “هاد الاجراء غادي يكون موجه بالدرجة الأولى لفائدة الناس اللي تضررو من أزمة كورونا”.

وأضاف اخنوش :” ميمكنش نكدبو على المغاربة وكنقولو الأرقام اللي كنقدرو نديروها..وحنا راه تولدنا وكبرنا فلوزينات ماشي بحال شي وحدين معروفوهم حتى ولاو وزراء”.

وزاد المتحدث أن :”أي واحد عندو مشروع معقول غادي يستافد من التوجيه والتكوين وكذلك التمويل لي يمكن يوصل حتال 100 الف درهم كقروض شرف بدون فائدة باش يمكن ليه يبدا المشروع ديالو”.

و أبرز أخنوش، أن معدل النشاط النسوي في المغرب هو 20 في المائة، وهادشي ماكايساهمش في أن تكون بلادنا دولة قوية اقتصاديا، في ظل تواجد 80 في المائة من النساء المغربيات خارج سوق الشغل.

وأضاف أخنوش أن هادشي مغاديش مع مبدأ المساواة اللي نطمح إليه في المغرب، ولهذا كيقترح التجمع الوطني للأحرار، خلق برنامج لدعم التكوين المهني للنساء، وتحسين عرض الخدمات العمومية المتعلقة برعاية الطفل في سنة مبكرة.

حاليا الاحرار هو الحزب الوحيد اللي عطا وعود انتخابية واضحة وبلغة الأرقام.

 

 

موضوعات أخرى

19/06/2021 16:00

أكبر سبب في إكتظاظ السجون والوضعية المزرية لي كيعيشوها راه هو الإعتقال الإحتياطي، عوض تستافد الدولة من هاد الناس بالكفالات وحتى هوما في حالة كانو أبرياء ميكونوش تكرفصو في الحبس على والو