الرئيسية > تبركيك > اخر ضحايا قضية الفيزا بين الرباط وباريس.. الأم ديال المدير السابق للمكتب الوطني للكهرباء تعرضات لسوء المعاملة فمطار ففرنسا وولدها صيفط رسالة مفتوحة لماكرون
18/09/2022 09:00 تبركيك

اخر ضحايا قضية الفيزا بين الرباط وباريس.. الأم ديال المدير السابق للمكتب الوطني للكهرباء تعرضات لسوء المعاملة فمطار ففرنسا وولدها صيفط رسالة مفتوحة لماكرون

اخر ضحايا قضية الفيزا بين الرباط وباريس.. الأم ديال المدير السابق للمكتب الوطني للكهرباء تعرضات لسوء المعاملة فمطار ففرنسا وولدها صيفط رسالة مفتوحة لماكرون

كريم الصوفي – كود//
[email protected]

يونس معمر، المدير السابق للمكتب الوطني للكهرباء صيفط رسالة مفتوحة للرئيس الفرنسي بسباب الإهانة وسوء المعاملة اللي تعرضات ليه الأم ديالو اللي عندها 80 عام ف مطار مونبولييه من طرف شرطة الحدود.

المدير السابق للمكتب الوطني للكهرباء عبر ف هاذ الرسالة على الغضب والاستياء ديالو من المعاملة المهنية اللي تعرضات ليها هنو علالي معمر واللي تعتبر من أوائل الطبيبات المغربيات واللي وصلات لمطار مونبولييه وتم ترحيلها للمغرب من طرف ضابط الحدود بمبرر عدم توفرها على شهادة البيرجمون.

وقال يونس معمر، أن الأم ديالو دائما كتمشي ل فرنسا وحتا واحد ما كيطلب منها هاذ الشهادة والشرطي استعمل أسلوب قاس وتهديدي ضد الأم ديالو وأصر على ترحيلها للمغرب، دون أي اعتبار لسنها ودون مراعاة رحلاتها العديدة إلى فرنسا. وانتاقد يونس معمر ف رسالتو، هاذ الأسلوب الإداري الممنهج ضد المواطنين المغاربة من طرف السلطات الفرنسية اللي كتهدم شيئا ف شيئا الجسور اللي كتربط بين البلدين وكتهدد علاقات حسن الجوار بشكل خطير بين الطرفين.

موضوعات أخرى

27/09/2022 17:50

هاد الشي كيخلع. خبير فالموارد المائية: المغرب دخل مرحلة اجهاد مائي حاد والموارد المائية غادية تنقص ب80 بالمائة فربع قرن المقبل