كود سبور//

كيزيد يتألق الدولي المغربي يونس عبد الحميد ففرنسا مع فريق ريمس، وكيأكد أن الناخب الوطني وليد الركراكي جاش وعيط له للمنتخب المغربي فأخر معسكر داروه الأسود.

وبعدما ماركا لريمس الويكاند الماضي وساهم فرباح الفريق على أولمبيك ليون، تختار المدافع المغربي يونس عبد الحمدي مع أحسن 11 لاعب فالدورة 7 من بطولة فرنسا، حسب موقع “صوفا سكور” المتخصص واللي دارو مع تشكيلة الويكاند بمعدل تنقيط 7.7.

ومن المنتظر يكون يونس عبد الحميد حتى فالمعسكر الجاي د المنتخب الوطني المغربي، حيث عندو استقرار فالمستوى اللي كيقدم حتى لدابا، وغتكون ودية الأسود والكوت ديفوار وماتش ليبيريا فرصة له باش يبين لوليد الركراكي انه يقدر يعول عليه كبديل لواحد من ثنائي وسط الدفاع رومان سايس ونايف أكرد.