الرئيسية > ميديا وثقافة > اختفاء “انساي” من اليوتوب.. القضية فيها الفلوس وسعد لمجرد كياكل الدق
05/11/2019 22:00 ميديا وثقافة

اختفاء “انساي” من اليوتوب.. القضية فيها الفلوس وسعد لمجرد كياكل الدق

اختفاء “انساي” من اليوتوب.. القضية فيها الفلوس وسعد لمجرد كياكل الدق

نجوى المالحي-كود//

سعد لمجرد ماجا فين يدوز فقصة حظر أغنية “سلام” من اليوتوب، حتى طارت أغنيتو “انساي” لي ديو مع المغني المصري محمد رمضان.

البارح الأغنية غبرات من اليوتوب وكيبان أن صاحب التبليغ هو المنتج للاغنية لي حطمات أرقام قياسية في المشاهدات ولي تصورات في باريس بطاقم قدو قد السخط.

التبرگيگة لي جابت “كود” أن الصداع على الفلوس والأرباح ناض بين محمد رمضان والمنتج، ولأن الأخير مشدش الفلوس ناض بلغ اليوتوب وطيرو الكليب.

لي كلا الدق في هادشي مزيان هو سعد لمجرد لي هاد الشهر داز عندو ديال الحظر والمشاكل مع اليوتوب.

لمجرد مدار حتى شي تعليق على الموضوع، وخدام حاليا على تحدي “سلام” لي كيحط في انستكرام باش يعتق ما يمكن عتقه، والأغنية ماتموتش ليه فيدو، خصوصا أنه ملي طارت ورجعات في اليوتوب عمرو يحلم بأنها ترجع للطوندونس واخا يخلص عليها الملايير ماشي غير الملايين.

موضوعات أخرى

12/07/2020 17:30

كورنا فهاد 24 ساعة: 203 تصابو و218 تشافاو و5 ماتو..الطوطال: 15745 حالة منها 250 توفاو و12283 تعافاو واليوم الحصيلة ثقيلة بجهة طنجة