الرئيسية > آش واقع > اختفاء الطفل عدنان فطنجة.. العائلة كتشك ف”مول الفوقية”.. والأب لـ”كود”: كان مسخر للفارماسيان قبل ما يختفي وكلنا محروقين عليه
11/09/2020 14:00 آش واقع

اختفاء الطفل عدنان فطنجة.. العائلة كتشك ف”مول الفوقية”.. والأب لـ”كود”: كان مسخر للفارماسيان قبل ما يختفي وكلنا محروقين عليه

اختفاء الطفل عدنان فطنجة.. العائلة كتشك ف”مول الفوقية”.. والأب لـ”كود”: كان مسخر للفارماسيان قبل ما يختفي وكلنا محروقين عليه

عفراء علوي محمدي- كود//

دابا هذا اليوم الخامس على اختفاء الطفل عدنان بوشوف فمدينة طنجة، وفظروف غامضة.

وعلى مدى ثلاث أيام، عائلة الطفل نشرات على نطاق واسع، صور ليه مع شي واحد، رصداتها كاميرات المراقبة فحي مارتيل اللي كيسكن فيه هو وعائلتو فمدينة طنجة، ولحد الآن مازال ماعندهم حتى خبار على هذ الشخص الغريب على العائلة اللي لابس فوقية.

و”كود” تواصلات مع أب الطفل، محمد بوشوف، اللي قال أنه كان خرج نهار الاثنين غير مسخر للفارماسيان اللي فالحي مع الربعة دالعشية، لكن من تماك ماعاود بان ليه الأثر، والعائلة كلها محروقة عليه.

وقال أن القضية مزالة كيف هيا وماكاين حتى شي جديد لحد الآن، والبوليس دايرين خدمتهم على أكمل وجه باش يعرفو هوية السيد اللي رافقو، واللي بان معاه فجوج أماكن مختلفة، نهار الاثنين.

وبالنسبة للي عرف شي حاحة على الشخص المجهول او عندو خبار على عدنان يتواصل مع هذ الارقام:0662579424/066448403

موضوعات أخرى

26/09/2020 12:30

معهد باستور فليل فشمال فرنسا اكتشف دوا يقدر يكون فعال ضد كورونا.. ومدير المعهد: غادي نديرو تجارب سريرية وإلى تأكدنا انه مزيان غنبداو نخدمو بيه ف2021