كود الرباط//

علمت “گود” بلي احمد اخنوش، ولد رئيس الحكومة عزيز اخنوش. كان حاضر في فعاليات الكرنفال الدولي لبوجلود في دورته الثانية، هاد العام، من خلال الموسيقى ديالو، بحيث تيزر الكرنفال ديالو.

وكشفت مصادر “گود” أن احمد سبينس كيف هو معروف فالسوشل ميديا وفالدومين، معندوش مشكل يتم الاستعانة بالموسيقى ديالو فالفيديو التسويقي للكرنفال، ووافق يتم استعمالها بلا ما يبيع ليهم الحقوق الفنية.

الكرنفال لي بدا يوم الاربعاء مع السادسة مساءا، بلا تأخر وبمستوى تنظيمي عالي ساهمت فيه بشكل كبير السلطات الأمنية والولائية إلى جانب كفاءة لجن تنظيم الكرنفال، نجح يستقطب فئات جديدة من الجمهور بحيث التوقعات ديال الحاضرين لمشاهد الكرنفال فاقت 40 ألف بكثير وتجاوزت الحضور لي كان فالدورة الأولى العام لي فات.