كود سلا//

كشفت احصائيات صادرة عن مصلحة النظافة بجماعة سلا انخفاض وزن حصيلة مخلفات عيد الأضحى ديال هاذ السنة للنصف.

على حساب هاذ الاحصائيات اللي خرجات جماعة سلا و اللي انخفضات بأكثر من النصف بقليل، نقدرو نقولوا ان عدد الناس اللي معيداتش كثر من 50 بالمئة بقليل.

هاذ الاحصائيات كتهم المقارنة ما بين العام اللي فات 2023 وهاذ العام 2024 و اللي كيميزها أن الانخفاض شمل استغلالية احصاين وبطانة وبدرجة أقل تابريكت العيايدة ثم مقاطعة المريسة، معروف ان احصاين فيها ساكنة كبيرة اغلبهم متقاعدين ديال العسكر و عاطلين عن العمل ومحترفي مهن عشوائية و غير مهيكلة.

هاذ الاحصائيات تحتمل عدة قراءات و لكن المؤشرات اكدات بلي بزاف ديال العائلات معيداتش و السبب الاساسي غلاف أضاحي العيد.