كود سبور //

تحرم الحكم الصومالي عمر أرتان من دْخول لمريكان، هاد القرار لي بالتالي حرمو من المشاركة فكأس العالم 2026، بعدما كان قريب يولي أول حكم صومالي كيحكم فالمونديال.

وأكدات الفيفا فبلاغ رسمي باللي أرتان ما غاديش يقدر يشارك لا فالتجمعات التحضيرية لا فالتحكيم فكأس العالم، بعدما توصلات بإشعار كيبين أن الوضعية ديالو ما غاديش تتبدل فهاد المرحلة، وزادت الفيفا أنها ما عندها حتى دخل فقرارات الفيزات والهجرة، حيث هاد الأمور كتبقى من اختصاص الدول المنظمة.

وحسب معطيات توقق أرتان فمطار ميامي الدولي وخا عندو تأشيرة ديبلوماسية باش ميتمنعش بسباب العقوبات لي دارها مريكان على الصومال. وعمر أرتان من بين أبرز الحكام فإفريقيا، بعدما ربح العام اللي فات جائزة أحسن حكم إفريقي، وحكم بزاف ديال المباريات الكبيرة فالقارة.

ورجعات هاد القضية النقاش حول تأثير سياسات الهجرة الأمريكية على المشاركين فمونديال 2026.