الرئيسية > ميديا وثقافة > احتفال كبير بگناوة فالصويرة. 75 معلم دايرين سهرة ل”الاولى” باش يحتافلو بادراجها “تراث عالمي”
18/11/2021 17:00 ميديا وثقافة

احتفال كبير بگناوة فالصويرة. 75 معلم دايرين سهرة ل”الاولى” باش يحتافلو بادراجها “تراث عالمي”

احتفال كبير بگناوة فالصويرة. 75 معلم دايرين سهرة ل”الاولى” باش يحتافلو بادراجها “تراث عالمي”

كود مراكش ///

الصويرة عاصمة الثقافة الكناوية غادية دير احتفال كبير لهاد الفن. سهرة كبيرة السبت الجاي غادية تسجلها الشركة الوطنية للاذاعة والتلفزيون =الاولى” فيها ساعتين لنجوم هاد الفن. طبعا الجمهور غادي يكون قليل. جمهور الاستوديو وصافي. وحسب مصادر “كود” غادي يشارف فهاد الحفل 150 فنان فيهم 75 معلم كناوي.

الحفل شرفات عليه جمعية “يرما” وغادية تبثو “الاولى” فشهر دجنبر. وهو اول احتفال كبير بادراج منظمة الأمم المتحدة للتربية والعلم والثقافة “يونيسكو” فدجنبر 2019 هاد الفن المغربي ذي الجذور الافريقية ضمن لائحة “التراث الثقافي غير المادي للبشرية”.

مع هاد الجايحة ديال كورونا ما خلاتش لمعلمين ديال هاد الفن ولا اللي كيدافعو عليهم يحتافلو. دابا جات المناسبة.

موضوعات أخرى