وكالات//

علنو البوليس ديال ألمانيا أن خمسة ديال الناس ماتو في مناطق مختلفة في البلاد بسبب الاحتفالات ديال رأس السنة.

وأكدو البوليس ف بيان ليهم أن هاد الخمسة ماتو بسبب الألعاب النارية لي طلقوها بالمناسبة.

وقالو إنه من بين لي ماتو واحد الشاب تفركع عليه صاروخ، وكيرجحو البوليس أنه هو لي صنعو بيديه.

بالإضافة إلى الموتى، قال البيان إن واحد البوليسي تعرض لإصابات خطيرة بزاف بعدما استهدفاتو وحدة من الألعاب النارية.

وبسبب أعمال العنف والشغب والتخريب لي كيكونو ديما فبحال هاد المناسبات، علنو البوليس أنهم شدو تقريبا 380 واحد متورطين فيهم.