الرئيسية > كود-تيفي > احتجاج ضد جواز التلقيح فالرباط.. اللي ضد الپاس جاو قلال وباشا بغى يمنع “كود” من التصوير – تصاور وفيديو
24/10/2021 11:00 كود-تيفي

احتجاج ضد جواز التلقيح فالرباط.. اللي ضد الپاس جاو قلال وباشا بغى يمنع “كود” من التصوير – تصاور وفيديو

احتجاج ضد جواز التلقيح فالرباط.. اللي ضد الپاس جاو قلال وباشا بغى يمنع “كود” من التصوير – تصاور وفيديو

كود الرباط//

منعات السلطات العمومية، صباح اليوم الأحد، وقفة احتجاجية نظموها بعض الرافضين لجواز التلقيح واللي جاو قلال، أمام البرلمان.

وحسب ما عاينت “كود” ، كانو شي حقوقيين من الجمعية المغربية لحقوق الإنسان كيتزعمهم الرئيس عزيز غالي، إضافة إلى بعض الإسلاميين منهم سلفيين ومواطنين عاديين، عددهم قليل بزاف مقارنة مع الهيلالة لي دايرين ف الفايسبوك.

السلطات قرات عليهم القانون المنظم لفض الاحتجاجات، وعطاتهم الإنذار ثلاثة مرات، طبعا المحتجين رفضو ينبضبطو وبداو يرفعو شعارات من قبيل “لا للتلقيح.. لا الجواز”.

https://fb.watch/8QXwn85fwD/

و عاينت “كود” توقيف عدد من المحتجين اللي تعنتو ف التعامل مع السلطة.

بعض رجال السلطة دارو شويا الخشونة مع بعض الصحفيين، ومنهم طاقم “كود”، منهم لقطة كاينا ف المباشر حاول فيها الباشا ديال حسان يحيد تلفون الصحفي ويمنعو من التصوير بمبرر غريب..

اللي ضد جواز التلقيح اللي جاو اليوم يحتجو تصدمو حيث لقاو راسهم قلال فالواقع.

بعض الرافضين للتلقيح صرحو ل”كود” بلي هوما ضد الفاكسان حيث كاينين ناس ماتو بسبب تلقيهم الجرعات. وطالبين باش يكون الفاكسان اختياري.

موضوعات أخرى

06/12/2021 17:30

غايربحو غير البرد كيف ديما.. لوبي الدزاير والبوليساريو كيحاول يضغط عاوتاني على نيوزيلاندا باش توقف إستيراد فوسفاط الصحرا المغربية

06/12/2021 16:00

بنكيران يستنجد بالمثلية الجنسية! أراهن عليكم كثيرا أيها المثليون لأعيد لحزب العدالة والتنمية وهجه السابق